دنیا بھر میں روزانہ کروڑوں یا اربوں افراد گاڑی پر سفر کرتے ہیں۔
مگر حیران کن طور پر بیشتر افراد کو گاڑی کے اندر چھپے چند حیرت انگیز فیچرز کا مقصد ہی معلوم نہیں ہوتا۔
ان میں سے ایک فیچر رئیر ویو مرر میں چھپا ہے جو آنکھوں کے سامنے ہوتا ہے مگر پھر بھی بیشتر افراد کو اس کا علم نہیں۔
یہ ہے رئیر ویو مرر کا ٹیب جو ڈرائیور کی حفاظت کے لیے اہم ثابت ہو سکتا ہے۔
اگر آپ رئیر ویو مرر کی جانب دیکھیں تو آپ کو اس کے نیچے ایک سیاہ رنگ کا ٹیب یا کلپ نظر آئے گا۔
مگر بیشتر افراد کو معلوم نہیں کہ یہ ٹیب یا کلپ نائٹ ٹائم موڈ کے طور پر کام کرتا ہے۔
اس ٹیب سے رات کے وقت پیچھے موجود گاڑیوں کی ہیڈ لائٹس کی چمک سے آنکھوں کو چندھیانے سے بچانے میں مدد ملتی ہے۔
یہ ٹیب پیچھے موجود گاڑی کی ہیڈ لائٹس کی روشنی کے بیشتر حصے کو منعکس کر دیتا ہے تاکہ روشنی کے باوجود آنکھوں کو پیچھے موجود گاڑی نظر آ سکے۔
یہ فیچر اس وقت کام نہیں کرتا جب پیچھے روشنی موجود نہ ہو اور پھر گاڑی کے پیچھے کے منظر کی بجائے آپ اپنی گاڑی کی چھت کے عکس کو ہی دیکھتے ہیں۔
تو جب پیچھے موجود گاڑی کی ہیڈ لائٹس کی روشنی ختم ہو جائے تو اس ٹیب کو موڑ دینا بہتر ہوتا ہے۔
