جاپان میں ان دنوں تختے پر تیرنے والے 90 سالہ سرفرکا چرچا ہے جو اس مشکل کام میں ماہر ہیں اور 100 برس ہونے پر بھی سرفنگ کرنا چاہتے ہیں۔
سائشی سانو ایک کمپنی کے مالک ہے جو بورڈ کے ذریعے پانی پر تیرنے والے ایک ماہر سرفر بھی ہیں۔ وہ 80 سال کی عمر میں ماؤنٹ فیجی سر کرنے کا کارنامہ بھی انجام دے چکے ہیں۔ اب گنیز بک آف ورلڈ ریکارڈ نے انہیں بزرگ ترین سرفر کا خطاب دیا ہے۔
سائشی پرامید ہیں کہ وہ 100 برس کی عمر میں بھی سرفنگ کے قابل ہوں گے کیونکہ وہ اپنا بہت خیال رکھتے ہیں۔ اب وہ ہفتے میں چھٹی والے روز پورا دن اینوشیما ساحل پر سرفنگ میں گزارتے ہیں جہاں اولمپکس مقابلے بھی ہوچکے ہیں۔ ان کے مطابق پیراکی اور سرفنگ ہی ان کی بہترین صحت کا راز ہے۔
سائشی سانو خود کو بوڑھا نہیں سمجھتے ہیں اور ہمیشہ آگے بڑھنے کی جستجو کرتے رہتے ہیں۔ ہر جمعرات کو ساحل پر سینکڑوں سرفرآتے ہیں اوران کے ساتھ وہ بھی سرفنگ کرتے ہیں لیکن یہاں کی موجیں چھوٹی اور پرسکون ہیں جہاں نووارد اور ماہر دونوں ہی سرفنگ کرسکتے ہیں۔
اس کے ساتھ ساتھ وہ صبح سے شام تک اپنے کاروبار کو بھی دیکھتے ہیں اور ایک کامیاب تاجر بھی ہیں۔
