امریکا میں خرگوش پولیس افسر بن گیا۔
امریکی میڈیا رپورٹس کے مطابق حال ہی میں امریکی پولیس فورس میں افسر کے رینک پر ترقی پانے والے اس خرگوش کا نام ‘پرسی’ ہے۔
رپورٹس میں بتایا گیا کہ گزشتہ سال کیلی فورنیا کے شہر یوبا کے علاقے پرسی میں ایک پولیس افسر ایشلے کرسن کو یہ خرگوش ملا۔
نامعلوم خرگوش کو پولیس افسر اپنے ساتھ دفتر لے گئیں اور خرگوش کو جانوروں کی دیکھ بھال کرنے والے ڈپارٹمنٹ کے حوالے کیا اور اس کے مالک کا پتا لگانے کا ٹاسک دیا۔
یہ ادارہ بھی خرگوش کے خاندان یا اس کے مالک کے حوالے سے معلومات حاصل کرنے میں ناکام رہا۔
تاہم پولیس ڈپارٹمنٹ نے اس خرگوش کو گود لے لیا اور اس کا نام پرسی ہی رکھ دیا۔
اتوار کو عیسائیوں کے مذہبی تہوار ایسٹر سے کچھ دن قبل ہی یوبا شہر کے پولیس ڈپارٹمنٹ نے خرگوش کو ترقی دیتے ہوئے اسے فلا ح و بہبود کا افسر تعینات کر دیا۔
